قصيدتات /للشاعرمحمد همدان

سعاده العيد



ياعيد اين السعاده والفرح اين ساار
وأين سلاك ظاع واين غاصت تباشيره

جاوبني العيد شلوهم ثلاثه انفااار
خيره عليك ماانت منهم ياخبير خيبره

اولهم انسان دفي جيبه الدولار
ماهو مثيلك حراف مايمتلك ليره

فقلت قصدك تقول السارق البتاار
من دسم الدقن حقه من عرق غيره

ماريد اكون هو ولو بربط عليها احجار
لي منع ابوك منع عدبه شي خيار غيره

فقال لي الثاني المجنون بدون انذاار
لذع فيوز مش جنان فرغه وتخديره

فالعيد عند المجانين يأسر الانظاار
لحمه وراحه وتخزينه وتشخيره

يصحى في الضهر يطلب وجبة الافطار
مايعرف الهم كنه شيخ للديره

فقلت ياعيد عقلي مستحيل ينهاار
عقلي رزين الجنان ياعيد مش حيره

حاولت اجنن ولكن عاقل الافكار
افشل جناني بتحليله وتبريره

ياعيد عد شي معك غير الجنان زوار
لسعادتك والفرح او فضها سيره

خلاص ياعيد من هو ثالث السمار
ذي الوجع والظبح مااحرق لهم كيره

فقال ثالث ثلاثه باهي الانواار
من كان عريس في ليالي العيد من غيره

سعادته مايسعها الكوب الدواار
وبسمته دوم ماتخلط بتكشيره

هايم تسوقه رياح الحب والافكار
لوصل ضبي الفلا ذي طال تأخيره

فقلت ياشوق قلبي للقاء الحاار
الله اكبر صدح قلبي بتكبيره

العيد يكون عيد مبارك طيلة الاعمار
والقلب يسكر فرح والروح سكيره

قد قالها الزير سالم اربعين مليار
ماتسوي اربع قبل من مبسم الزيره

خذو العبر يا الو الالباب من الكفار

ذا عيد مبارك سعيد ماينفع الديناار
لاكان مملوك لنفس صدق شريره

يهود واليهوده مش حق ابو زنار
عاد اليهود الوكاله دون زنيره

😂😂😂😂😂😂😂
محمد همدان

امس خزنت انا والخل قلنا نأنس
وأنسي  الهم ذي ذاكر لنا كل ساااعه

حتى لو حد قررنا سويه  نخمس
ليس من يسمر الاحد نسب لاخزااعه

قالت العيد بعد اسبوع ايش باتلبس
زوجتك لو تشوف مايعرضو من بضااعه 

عندي  اعراس  صحباتي  ثلاث باتعرس 
ثالث العيد واشتي  اثنين فساتين وساعه

قلت  والله لوما كان جيبي مفلس
قط ماتسمعي غير قول  سمعاً وطااعه 

بس ياخل  صبرك  شكل رزقي  مغلس
عام عامين قالت قد شبعنا  مراااعه

عيد اذا ماعتكسيني حرام ماعد اجلس
لك في البيت هذا ياحبيب ربع ساااعه 

قلت غير اعذبي  الشيطان ذي لك يوسوس
جوب ابليس مابه لي عليها استطاااعه

انت مخلوس  جلدك  كيف بغويه تخلس
جلد مخلوس خلي الديوعه  والخضااعه 

فلتفت لي حبيبي قال لي ويش تهلوس
خلي الهلوسه  حقك وسيب الكااعه 

لاتقول لي حراف وللريالات  تكدس 
والنبي مااعذرك  ذا العيد ولا اقبل شفاااعه

انت شكلك وشمك  ياحبيبي مبيس
او مراادك تزيد الثانيه قلت ماااعه

والعيون حقها احمرين  والخد  طمطس
ثم قالت حرام لاقطعك  للسباعه 

قلت اين زلط ياخل مانااش ريس
او وزير ماليه ولاوزير الصناعه

لي سنين يامره عايش وفمي ميبس
لامرتب معي ولا جرب للزراااعه

عيدنا العافيه ياخل بالقلب نغرس
بذرة الحب كي نجني  ثمار القنااعه

كم غني مااستراح ياخل وكم شخص مفلس
في نعيم السعاده رغم جور  المجاااعه 

عيد الاضحى بعيد واليوم عيد الكرسمس
عيد مافيه اضاحي اوفساتين مباااعه


حط كفك بكفي باالوفى  بانئسس
دولة الحب على نهج الوله والوراعه

لجل عينيك بقضي  الليل كله اهجوس
ياقمر منتصف شعبان محلى شعاعه

محمد همدان