انواع الاصحاب /للشاعرأبو سليمان السامدي

( أنواع الاصحاب)

أصابع اليد في علم الحساب خمسة
واشكالها تختلف بالرسم والمقياس

واعداد الاصحاب يفوق العقل في حدسه
بس ما هم سواء في الطبع  والإحساس

صاحب يبيعك في سوق المزاد خلسه
إذا لقى أول زبون باعك ولو بفلاس

ووقت الشدايد تخفى ما  طلع نخسه
تظل تبحث فما تلقاه بين الناس

وبعض الاصحاب آه ياناس ما اخسه
عند المصالح يقرب من فمك للكاس

كلامه معسول مشغل للسان حسه
وان كان مافي مصالح ما رفع لك راس

وذاك مغيم ودايم ماصفي طقسه
لو جيت تسلم تراه بيكشر الأضراس

الناس أجناس وهذا الشي انا احسه
إن الطبائع ترى ما تستوي يا ناس

فمعدن الجيد نقي وصافيه نفسه
إذا ابتسم حين لقيته زال عنْك الباس

وفيُّ الاصحاب من يدي عليك راسه
يذود عنك تراه قبلك على المتراس

وانعم بصاحب عطى لك بالأمل درسه
يزيل عنك الهموم العالقه والياس

وخير الاصحاب وما تحلو به الجلسه
هو الذكر لله يجنبنا من الوسواس


أبو سليمان السامدي
7.     4.       2022