لاني بنايم/للشاعربسام الحجاجي

لاني بنايم..لا.؟ ولاني بصاحي
كفي على صدري يخيط جراحه

ضاقت على مثلي جميع النواحي
واتغلقت حولي خطوط الملاحه

والحبر ينزف والمدامع سواحي
ولا لقت بيض الدفاتر مساحة

اتوسدت فكري عذارا اقاحي
واستسلمت معها حروف الفصاحة

وانا المثابر مالقيتو نجاحي
ياوقت جابرني وقول الصراحه؟

قلي متى ليلي يعانق صباحي؟
والنور يشرق في أوّج اتضاحه

كم لي وانا لملم بقايا جراحي؟
والغير يتجخجخ وعايش براحه

وانا غزت بستان عمري رباحي
وعفسّت زرعي وشّلّت لقاحه

والوضع يدقعني ويكسر جناحي
كم له يجلببني بفعل الوقاحه؟

غطست في بحره وبيدي كفاحي
والبحر مايرحم غشيم السباحه

مهما حصل لازلت شاهر سلاحي
في وجه من يشهر بوجهي سلاحه

واصيد من جبح الزمان الملاحي
وأشمخ مع الشامخ وعانق ضياحه

والبس على درب الكرامه وشاحي
واعيش مثل الصقر فارد جناحه

بسام الحجاجي