ياحضرة الشوق/للشاعرأبو جيش الدين علي المناري

يا حضرة الشوق جيت اليله ايش جابك
على الاقل نبني ولا فدق الباب

والله لْـۆ كنت لك واحد من اقرابك
ماهكذا تفعل الأقراب با الأقراب

بالله قد شفت غيري شخص حيابك
قد بين احس اننا وانته قد احنا اصحاب

احذر تقول ان حالي نال اعجابك
أقول ڵـڱ وقتها حيا الله الكذاب

لني تذوقت كأس المر بـ اسبابك
وليلي أشبه بفلم اسمه حياة الغاب

تهجم على اعزل بنصف اليل بأسرابك
واستنفرت ذكرياتي للدفاع اسراب

ان كان قد صاحبي يا شوق توصى بك
وقال لٱ تنسحب الا وعلي منصاب

قله من اليوم ذي صابتني اهدابك
والجرح في خافقي لليوم ذا ماطاب

يوم كنت ارقب شروقك وارقب اغرابك
وادندنك عشق طول اليل با المحراب

واليوم وين انت حاضرني بوتسابك
وبا التويتر معلقني وبا الأسناب

شوف كم قصايد تلقاها تلقرامك
ماهكذا تفعل الأحباب با الاحباب

انا اقدر انهي وجودك واحرق اعصابك
واذوقك من مراراة الوصال اكواب

واجبر حروف القصايد تحرق القابك
مادمت ما تسحق الوصف والألقاب

وهاجسي ذي بقيفانه تغنا بك
من حقه الًيَوُمًِ يقلع مطحنك والناب

من اجل لْـۆ جيت غيري تحسب حسابك
ان كثر ما الشاب حب كان انتقام الشاب

يا صاحب اوصيك لٱ جاء الحب لٱ بابك
قله انا تبت مادام المناري تاب

وان قلت حيا وهو بادر وحيا بك
انا انصحك سير دورلك طبيب اعشاب

أبو جيش الدين علي المناري جيش الدين علي المناري