كُــــــــــــــــل يــــا حِمــــــار وإسّــــكُت
!!!:::::::::!!!!!!!!!!!!!!!!!!!::::::::!!!
يالله أفصحي في واقعي يالقوافي
واتّسلّحي بالحرف مِن خير معّلُق
تحت البنادق الف بندق إضافي
وفي مضافة بندقي الف بندق
شر الحروب المهلكة بإعترافي
يجعل كروش الشعب للدود فندق
محد معه مفهوم قطعي منافي
لنص مفهومي بذا دقُ لك دُق
مينا اليمن وأسماكها والمصافي
في كف مَن مايوم بالحقّ يُصّدق
أهل الخليج جو لبسونا الكوافي
قتل بواقي شعب عد كان يسّهُق
كم نفس يامن كُل فعلك منافي
للدين والانسانيه جئت تزّهُق
باننتضر في يوم آخر مطافي
نشل بالصاعين صاعه ونخّزُق
مِن أجل مالي جيت تقلب غلافي
وتشن عدوانك عليّ طُقها طُق
نشتاق بعد الحرب هذا عوافي
والخير بابواب اليمن ضيف يُطرُق
مِن بعد سبع سنين تم إكتشافي
أنّ البحور الحائطه طعمها عُق
لا راس اخي بالغصب أوجّه مشافي
والغرب بيده موس للكل يحلُق
واحنا بذنب اللي حياته جِزافي
بالكاد بالحنبّه يجّرّاء وينطق
خلىٰ اليمن أشّبه بعالم خُرافي
والكل مِن بعّضِه يهاجم ويشّنُق
باقي معانا الله للكُل كافي
والموت في يدِّه ولأجيال يُخّلُق
كم مِن غبي عايش بشكل إحترافي
على دِما ء الشّعب يأكُل ويسّرُق
وكم حرامي قد لبس كوت دافي
وكم عميل درب الخيانه يُقل شُق
والفارس النشّمي مِن العِزْ حافي
يمشي وجوعه نار بالجوف تخُزُق
بواطل الدنيا تبنت خِلافي
مع بني قومي والاطماع تفسُق
كان اليمن ميمون آمن ضفافي
وكان خيراته على الكل يغّدُق
لاكن بلينا شرّ موقف منافي
بمن خرج باطل مطالب بحُق حقُ
كُل ياحمار واسكت وربك مشافي
قال الحمار لازم يصيّح وينهُق
يامن بنا مايوم يُخّفاه خافي
يامطّلع بالحال في حالنا أرّفُق
عــــــــادل الوجيــــــه
0 تعليقات