ياساري الفكر/للشاعربسام الحجاجي،

ياساري الفكر لاتسري مع ساري
سرى على ضوء فكرة نصّفها مبتور

على خطى الوعي عقلي ينسج افكاري
وأستلهم افكار تأخذ وقتي المهدور

نيني عيوني  تليسكوبي ومنظاري
وميكرسكوب أبصر به خطوط النور

بكل عزمي وب الحاحي وب أصراري
بحكم شاعر يجيد الشعر له دستور

بعض القواميس عندي مسحها جاري
فيها من الزيف والتلفيق فوق الزور

قلعه من الجهل فيها نصب تذكاري
وكم من اشخاص عقله حولها محصور

لولا البصيره ولولا رحمة الباري
تداركتني لتسكن قلبي المهجور

من يقصدالوعي يقصدصفحة اشعاري
بعض الهواجيس قد ناموسها مكسور

وأقاحي القاف عندي ساكنه داري
قالت من الناس ما اشتيها ولاصعفور

ماودها احساس متّستر وهو عاري
لو يلبس الحلي والديباج والديجور

ماشاعر الا بشعره يبهر القاري
وبعضهم عاد يقرأها وهو مجبور

والان ياقوم هاكم نشرة اخباري
ومن قريها يترجمها لذي هم صور

لو كل رأدار ينصب جنب رأداري
وكل واحد بما قلته فعل منشور

ويحشد القوم من صنعا الى الذاري
وذي معه عذر يا اصحابي قدو معذور

عن واقع الناس دقت شوكة انذاري
واخاف ياناس لو قد يطفح التنور

وتشهد الأرض من موجات الأعصاري
طوفان جارف ولايبقي بها معمور

ماينفعك حينها ترداد الاذكاري
ولا تنجيك لو تصعد جبال الطور

بادر من الأن واطلب رحمة الباري
ولاتقع شي بدرب اعوج ولامكسور

✒/بسام الحجاجي،،،،،،2021/7/16