النُصح واجب
مــن بعـدما الهاجــس تلملم وانفعـل
الرحب عدد ماهمشلت والسيل سال
دق الـجـــبـل يا اخ عـبـده بـلـجــبـل
مادمت مســـــــرج حرفها فلأرتجال
زومــل ويامحـــلا الزوامل فلمحـــل
بعض الزوامـــل فعلها فاق الخـــيال
وبعضها من صــــدق تعفي من قتل
وبـعـضـهـا تـفـعــــل كما فعل النبال
وبـعـضـهـا للـبـعـض تـأتـي بلاجـــل
وبـعـضـهـا تـمـنـع حـــــرابه وقتتال
والنصح واجب في ثناياه الف حـل
لا جيت به بسلوب محمود الخصال
والمجتـمـع دون النصيحه في خلل
ولامــر بلـمـعـــروف واجب يارجال
والجـــــمل باقي في القبايل لايزل
والمـــــال يتعب من تولـــع بالريال
ويحـــــبل الرجـــال من لسنه حبل
لازم يطـــــبق ما تكـــفل به وقال
والثعلب المكــــــار يعرف بلحيــل
والقـــرد قالو في عيون امه غزال
ومـن تعجــــــــل ربما انه مايصـل
وما تأخــــــر غـير من يحمل ثقال
اما الجـــــــدل لا اشتد بوتار الربل
بايصتحب ضجه ودوشه وانفـعال
والعشق بعد الرشد تاريخ اضمحل
والرشــــــد بعد التيه توبه ومتثال
ومـــــن تمادا في خصامه ماعتدل
ولا توفق في حــــــياته بلحــــلال
والـقـبـيـلـه منـهـــــل لمن منها نهل
والجيد ما يشرب سوا صافي زلال
وقــولـهـم من ثوره الزاجــــي بتل
لاكـــان بها حكمه ولا كان به مثال
والمرجـــله ماهي لمن ركب دقـــل
ويحـــترف في المرشله ولأنتشال
مابش دوىٌ يأخذ وريد ولا عضــل
لهل العلل ذي ضنو الســـرقه كمال
والصـــدق جنه يالذي عنه تســـــل
والكذب واهم في متاهات الضلال
قل الحيا والخيـــــر والمعروف قل
والبخـــل بين الناس بشــر بالزوال
نجم الكــــرامه في سما الدنيا افل
والعنجهيه في مراحلها الطــــــوال
من طـلـق الـدنـيــا وبالله انشـغــل
ياسعد في الدارين والرضوان نال
الجـهـل والـغـفـله معا طـول الامل
سارين بخلق الله في غير المجال
💧💧عمار اريمه💧💧
0 تعليقات