من الأرشيف نَبَطي
يـاليــــل.. طَـــــوِّل.. دام خلّي معــايــه
ودِّي.. أضـمــه واهتنـي فيـــه يـالـيــــل
ودي أســـولـف لــه... وقلــه حـكــــايــه
واسقيـه فنـجـــالـ(ن) من البـن بالهيــل
واطفـي بـقـربـه نـار شــوقـي ولظـايــه
وافيـض حكي المشـاعــر كمـا السيـــل
حـكيـ(ن) مـن الإحســـاس كنــه روايـه
تدخل لجوف القلب في سرعة الخيل
مضـمـونهــا.. أشــواق.. بـاوَّل.. بـدايـــه
واحلى غرامـ(ن) ينتصفها ألى الــذيـل
يـاليــل.. خِلّي.. في الـمــواليــف آيـــه
آيــة حســـن تسبـي الــروح بـالحيــــل
يـروي عـــروق القـلب ينـهـي ظـمــايــه
لا قلت احبــك بس.. لي كـالهـا كيـــل
خلـي.. سعـــادة روح... خلـي هنــــايــه
اليـــا حضـــر يطـــرد الحـــزن والـويـل
يـافــجــــر لا تـطـلــع وهـــذا رجــــايــه
يكفي القمـر تكفي الثـريـا مـع سهيـــل
✒عبـداللـه عبيــد الـجعفــري
4/8/2018
0 تعليقات