نــبطي
(حــكايـة حـُبْ)
كلـن يعيـش العمــر ويـموت مــــره
ميــر البلا من شـاف مـوته ولا مـات
في القلب جرح يصلي الجوف جمره
وفــي العيـن دمـعٍ ما تبيّـنه نظــرات
أسكت عشـان يفـيد للجــرح ســـتره
بس البــلا ما فــاد حكـيٍ ولا ســكات
وش حيلة اللـي شاب فـي عـز عُمره
وش حيلــة اللـي ما تـداويه حــْبات
فيني همومَ الحيـن وامسـي وبـكـره
البُــوم حـزنـي مــا لـ حفـظه ملفــات
وفيـــني خيــانة حـبْ للغـير عـــبره
من عمْ باع الحـب في سـوق قرشات
عمـي خلـع عـــرق المحبـه وجـِــــذره
وعمـي نسـف عُمرَ المحبه بـ لحظات
لمّـا الـدراهــم شـافــها بـان خُــــــبره
وأحــرم قليبي فــرحه العُـــمْـر مرات
من بعـدها مــا ذقـت نومــي لفــتره
عِفت الطـعام اللـي بَهَ الجـسم يقتات
صارت حياتي فـي سما الحـزن قطره
وارسـت سفيـة حبـنا فـي متــاهـــات
هــذي حكـايه حُـب فـي القــلب قـبره
وهــذي نهــايــه حبـنا صــارت ابــيات
الشاعر:
عـلي بيـشي الجعـيدي
0 تعليقات