الكفو والنذل.. للشاعر بندر العقاب

قصيدة بعنوان الكفو والنذل

يا هاجسي هات المعاني عسا خير
واطرب على الساحه جزيل الحماسه

قـصـايـد الــواقــع بحـكـمـه وتعبير
وانا عـلى قـافـي نظـمـت السلاسه

الــكَــفْـوِ له عــنــدي مــعــزه وتقدير
طـبــعــه وفا مدروس فعله دراسه

يـبـشــر بـــعـــزه لا زهم دون تاخير
يسمو بفزعه داس خصمه دواسه

والــنــذل لـو هـبّـت عليه الاعاصير
يـبـان فـيـه الوجه ذي هو خساسه

وقت المواقف يخترع لك معاذير
وهــو بـيـلــوي كيف يخفي جناسه

بعض الشوارب غير زينه وتصوير
تـتمظـهـر الـطـيـبـه بـواقـع نجاسه

الـصـاحـب الـلي مـثلما نافخ الكير
احــذر تـخـاطب في دروبه وناسه

بعض البشر فيه المراجل عن الغير
مـغـروس فــي قـلبه وفـعله غراسه

والبعض يوقف في قبالك طوابير
لا وقــت مـا فــعـلـه بـيكشف لباسه

امشي على دربي ولو هي مسامير
ما دمـت سارج في خيول الفراسه

الـقـلـب لا ضــاقــت عـليه المعاسير
ارجع لِــعَــالــم ســـرّ عــبــده وناسه

الـــعــمــر كــلّــه فــي حياتي مقادير
اشــرب مـنــايا كـاس يُمزج بكاسه

✍ الشاعر بندر العقاب