اسئل مجرب.. للشاعر محمد همدان

اسأل مجرب ولاتسأل لذي ماجرب



من باطل الوقت شاب الرأس وانا شباب
                  والموت لاهو الذي باعد ولا ذي قرب

والهم والضيق سجل للسعادة غياااب
                غبني على كل احمر عين كمن شنب

والهم في القلب اسدل للمواجع حجاب
                  وداجي الليل للفجر البشوش اغتصب

والعز للثعل امسى والاسى للذياب
            واصبح البغل بداع العرين والعرب

والصقر محكوم والحاكم سمو الغراااب
             والخوف يجري بشريان الاسد والعصب

وجندي الذل له مترس وراء كل باب
              وصار للبوح في اللسان الفين مطب

والحق مدفون تحت الضلم فوق التراب
            والعدل من هول ماشافت عيونه هرب

لا نجم نيسان ذي قد لاح ولا نجم ااااب
               سبحان من طال عمرش ياعجايب رجب 

كمن صميدع وكمن قرم ذو الف ناب
               يكيل همه بقلبه يا زمان العجب

رويبض القوم اصبح فوق فوق السحاب
                   والكفو والجيد عايش فوق جمر الحطب

يا مالك الملك يامن لادعيته اجااب
              فرج علينا اسالك يا كريم الكرب

ياآكل اللحم بعد الاكل عدبه حسااب
            فأحمق القوم ذي للدفع ما قد حسب

يقول شاعر شعر بالضيق والاكتئاب
              حقي ومن قال حقي ياجماعه غلب

يا زارع المجد باتجنيه وقت عند الصراب
             وزارع الشوك مايجني عقود العنب

والليث حتى وان وطى واحنى الرقاب
                لابد من يوم  يرجع حقه المغتصب

الوقت دواار لا قد لذ طعمه وطاااب
             بكره يصير مر والعن والديه من كذب

يقول علي ولد زايد من يريد الجواب
                يسأل مجرب ولا يسأل لذي ماجرب



محمد همدان