قل لي علامك ياالغلا.... كلمات الشاعر عبدالله الجعفري

                                ***** قلي عــلامـك *****    

قلي عـلامـك يـ الغـــلا ضـايـق البـــال

خلك ضَحُـوك وهاجس الخـوف خَـلّه

ما قلت احبك لـ اجل منصب ولا مـال

ولا قلـت احبــك لـ اجـل طَلْعـَه وفَـلّـه

قلبي يبيـك وهـايـمـ(ن) فيك والحـال

لـولا وجـــودك صــابتــه الـف عــلــه

لـ اجلك رحيلي لو نوى القلب ترحال

ولـ اجـلك تـرى لـو نوى الـحِــل حِـلّــه

ترخـص عيـوني لا تبسمت بـِاقْبـَــال

ولا قلت احبـك يرخــص العمــر كلـه

لك مـال قلبي وجـاه غيـرك ولا مــال

وان جــاه غيـرك كيـف يقـــدر يِمِلَّـه

انـت الغـــــرام اللي خــــذانـي ولا زال

داخــــل خـفـوقـي مـايفــارق مـحــلـه

مـا كنت اصـدق كيف ينصـاد رَجـَّـال

واقــول حُــرّ الـجـــو مـا يِنْـوِصِــل لـه

ليـن انطلـق سهمـك وبـه ســم قتــال

وصَـوَّب فؤادي وصـرت منهـو استَحَلّه

شفني أسيرك داخل اقفاص واقفـال

وكـــل النــوافـــذ بـس يمــك مُـطِلَّــه

مـاشـوف غيــرك لـو تَلَفَّتّ وان طـــال

شــوف العيــون وجــاه منـهـو يــدلـــه

لولاي احبـك مـا سبـق صعب ينـقـال

ومن غيــر حبــك كيـف لي أستهِـلَّــه

لـ انك بـدر في سمـا خـافـقـي عــــال

نـَــوَّرْت لِـيـْـلِـي والبـقيــــة أَهِــلَّــــه

كلمات الشاعر :

✒/ عبــــداللـه الـجـعـفــــري

السبت 21/12/2019